Эш дәвам итә

Мөслимнең көннән-көн төзекләнә баруына инде аптырамыйбыз да. Быел да җәй дәвамында юлларны төзекләндерү генә түгел, күпфатирлы йорт ишегалларын ремонтлау да күздә тотыла. Бүгенге көндә Мөслимнең Кооператив урамындагы ишегалларында күләмле ремонт эшләре бара. Кооператив урамының 156-166, 158а, Яшьләр урамы 3/1 йорт адреслары буенча “Безнең ишегалды” республика программасы кысаларында төзүчеләр юлларны һәм тротуарларны ремонтлау, тышкы яктыртуны ремонтлау белән мәшгуль. Ремонт эшләрен Яр Чаллы шәһәренең “Автострой” төзү җәмгыяте башкара.