Әдәби кичә

Шигырь сөючеләр үзешчән авторлар Галина Казакова һәм Тамара Садыйкова белән очрашты. Кичәдә аларның шигырьләре яңгырады. Алар үз иҗатлары белән Мөслим төбәгенең һәм туган авылыбыз – Михайловканың матурлыгына дан җырлый. Шигырь кичәсендә Галина Казакова һәм Тамара Садыйкованың балалары һәм оныклары да актив катнашты. Алар яраткан әбиләренең һәм әниләренең шигырьләрен укыды. Тамашачыларны Азалия һәм Зәринә Садыйковалар, Розанна Җиһаншина, Полина Черногорлова, «Рябинушка» рус халык фольклор ансамбле әгъзалары Фиалка Хафизова, Эмма Апиркян һәм Тамара Садыкова концерт номерлары белән сөендерде. Кичәдә авыл китапханәчесе Эльвира Фәсхиева да актив катнашты.
Барлык катнашучыларга истәлекле бүләкләр һәм сувенирлар тапшырылды. Иганәчеләр – шигырь кичәсенең геройлары.
Шигырь кичәсен “Татарстан Республикасының рус милли-мәдәни берләшмәсе» төбәк иҗтимагый оешмасының Мөслим бүлекчәсе рәисе Галина Светлякова алып барды, ә бәйрәмгә йомгакны Михайловка урта мәктәбенең рус теле һәм әдәбияты укытучысы Ольга Макарова ясады.
Хөрмәтле шигърият сөючеләр! Сезнең шигырьләр үз тематикасы, шигъри сүз осталыгы һәм үзенчәлекле автор укуы белән йөрәккә тирән йогынты ясый. Сәләтегез белән безне сөендерүне дәвам итегез! Илһам, җиңел каләм сезгә!

Галина Светлякова.

Михайловка авылы.