Бәйрәм ярминкәсе узды. (+ФОТОЛАР)

Җиңү көнендә мөслимлеләр бәйрәм ярминкәсендә дә булдылар. Ярминкә мәйданы бу юлы “Дуслар-клаб” артындагы мәйданда урнашкан иде. Биредә шәхси эшмәкәр “Ибраһимова” терлек ите белән сату итте. Шулай ук, утыздан артык шәхси эшмәкәр сатып алучыларга азык-төлек һәм промышленность товарлары, кием-салым һәм үсентеләр тәкъдим иттеләр. Балалар өчен аттракционнар да шушы мәйданчыкта урнашкан иде. Шуңа күрә дә, бйрәм ярминкәсе мәйданчыгында өлкәннәр дә, балалар да күп иде.