“Авыл утлары”н яратабыз

Гөлсинә Шәйхуллина, Яңа Карамалы:
– Дүрт дистә ел Чиләбедә яшәдем. Монда күченеп кайткач, рәхәтләнеп үзебезнең татар телендә сөйләшәм, татарча газеталар укыйм. “Авыл утлары”на да язылдым, район газетасын яратып укыйм. Аллага шөкер, күзем күрә, нәрсә язылган, бөтенесен укып чыгам. Почтальоныбыз әйбәт, газетаны вакытында китерә.
Эльвира Заһидуллина,Катмыш:
– “Авыл утлары” газетасына язылмыйча калганыбыз юк. Лотерея уйнатуда да катнашабыз, әйберләр дә отканыбыз булды. Быел, мәсәлән, көрәк оттык. Газетаны бөтен гаиләбез белән яратып укыйбыз.
Ирхәт Кирамов, Вәрәшбаш:
– “Авыл утлары” газетасына 2003 елдан бирле язылабыз, яратып укыйбыз. Әти-әниләребез дә гел язылып килде. Газета бик ошый. Бөтен материалларын да укып чыгабыз. Бер тәкъдим дә бар: һава торышы турындагы мәгълүмат һәр көнгә дә булсын иде.