«Авыл утлары» газетасы редакциясенә кечкенә кунаклар килде

Мөслим үзәгенең «Миләшкәй» балалар бакчасындагы зурлар төркемендә тәрбияләнүчеләр Мөслим Матбугат үзәгенә экскурсиягә килде. Балалар журналистика дөньясы – газета әзерләү, версткага салу һәм вакытлы матбугатны әзерләүдә башка мөһим процесслар белән танышты.  «Авыл утлары» газетасы редакциясе хезмәткәрләре балаларга үз эшләренең нечкәлекләре турында сөйләп, аларның сорауларына җавап бирде. Балалар өчен әлеге экскурсия яңа белемнәр туплау белән бергә күңелле мизгелләргә дә бай булды.

Наилә Нәбиева, Эльза Галиева фотосы