Аксубай районында юл-транспорт һәлакәте булган, зыян күрүчеләр бар

Фаҗига Чистай - Аксубай трассасының 49 нчы чакрымында була. Аксубай районының Иске Кирәмәт авылы янында юл-транспорт һәлакәте булган, зыян күрүчеләр бар, дип хәбәр иттеләр "Татар-информ"га Россия Гадәттән тыш хәлләр министрлыгының Татарстан Баш идарәсе матбугат хезмәтендә. Фаҗига Чистай - Аксубай трассасының 49 нчы чакрымында була. Һәлакәт урынында 102 нче бүлек коткаручылары, полиция хезмәткәрләре, табиблар һәм Аксубай районы администрациясе хезмәткәрләре эшли. Булган хәлнең сәбәпләре ачыклана.