“Агромастер” компаниясендә крестьян-фермер хуҗалыклары җитәкчеләре катнашында семинар узды

"Агромастер" җитештерү компаниясендә ТР Бөгелмә районы авыл хуҗалыгы һәм крестьян-фермер хуҗалыклары җитәкчеләре катнашында семинар узды. Әлеге чара Бөгелмә районы авыл хуҗалыгы һәм азык-төлек идарәсе җитәкчесе Илдар Исмәгыйлев тәкъдиме белән үткәрелде. Очрашуда районның "Таң", "Башак", "Тау асты", "М. Җәлил" исемендәге җәмгыят җитәкчеләре һәм крестьян-фермер хуҗалыгы башлыклары катнашты. Кунаклар компаниядә җитештерелүче товарлар белән таныштылар, цехларда эш барышын карадылар, лазерлы кисү һәм эретеп ябештерүдә кулланылучы робот эшләүче участокта булдылар. Очрашу барышында дисктатор, культиватор, механик чәчү комплексларын алу буенча килешүләр төзелде.