2015 ел өчен салымнарны түләү вакыты 1 декабрьгә кадәр

Районара салым инспекциясе исегезгә төшерә: физик затларның 2015 ел өчен милек, транспорт, җир салымнарын түләү вакыты 2016 нчы елның 1 декабренә кадәр. Закон нигезендә "Личный кабинет налогоплательщика"дан файдаланучыларга салым түләү өчен белдерү кәгазьләре электрон рәвештә җибәрелә. Бу белдерү кәгазьләре формалаштырылганнан соң, ягъни 15 сентябрьдән соң булачак. Түләү кәгазьләрен электрон рәвештә алучыларга почта аша кәгазьләр җибәрелмәячәк.

"Личный кабинет налогоплательщика"да теркәлмәгән физик затларга салым түләүгә белдерү язулары кәгазьдә җибәреләчәк. 2016 нчы елның 1 ноябренә кадәр уведомлениеләр алмасагыз, салым инспекциясенә мөрәҗәгать итегез, диләр салым хезмәткәрләре. Салым инспекциясе телефоны 2-55-33.