Мөслим районы командасы чаңгы ярышларында катнашты

Мөслим районы командасы чаңгы ярышлары буенча муниципаль хезмәткәрләр спартакиадасының иң көчле командалары бишлегенә керде!

"Бүген Казан шәһәренең Мирный бистәсендә урнашкан чаңгы-биатлон комплексында дәүләт һәм муниципаль хезмәткәрләр спартакиадасы кысаларында чаңгы ярышлары узды. Ул быелгы спартакиаданы ачкан беренче дисциплина булды. 

Ярышта республиканың авыл районнарын тәкъдим итүче 13 команда катнашты.

Киеренке ярышта, яхшы физик форма һәм спорт күнекмәләре күрсәтеп, Мөслим районы командасы гомумкоманда зачетында 5 нче урынны яулады. 

Мөслим командасын Керәш Шуран авыл җирлеге башлыгы Радик Сафиуллин, Баланлы авыл җирлеге башлыгы Илгизә Гыйльфанова, Башкарма комитет җитәкчесе ярдәмчесе Фәридә Гайнетдинова, оештыру бүлеге начальнигы Илназ Кашапов тәкъдим итте", - дип хәбәр итә район администрациясенең матбугат хезмәте.

 Фотолар - Мөслим муниципаль район архивыннан