Минзәлә шәһәрендә волейбол буенча ярышлар узды

12 - 15 февраль көннәрендә Минзәлә шәһәрендә 2010-2011 нче елда туган егетләр арасында волейбол буенча Татарстан беренчелеге уздырылды. "Яшьлек" спорт мәктәбеннән алынган мәгълүматка караганда, ярышларда Татарстан районнарыннан килгән 14 команда көч сынашты.

Мөслим данын "Яшьлек" спорт мәктәбеннән Шамил Мадъяров һәм Илназ Кашапов җитәкчелегендәге волейбол командасы яклады.
4 көн дәвамында барган киеренке ярышта Мөслим командасы 3 нче урынга лаек булды.

Мөслим командасыннан Алмаз Горланов Татарстан беренчелегенең иң яхшы уенчысы буларак бүләкләнде.

Фотолар - "Яшьлек" спорт мәктәбеннән.