Һәр эшнең җае бар

Райондашыбыз оешмага кранчы булып урнаша. Дүрт елдан соң ул әлеге оешмада шофер булып эшли башлый.

– Альберт абый – бик җаваплы, үз эшенә намус белән караучы, төгәл хезмәттәшләребезнең берсе. Җирлектәге оешма-пред-приятиеләр, күпфатирлы йортлар, мәгариф учреждениеләренә хезмәт күрсәтү – аның җаваплылыгында, – ди оешма җитәкчесе Фәнил Вәлиев.

Альберт Исламов – Мәлләтамак авылы егете. Мөслим урта мәктәбен тәмамлагач, Мөслим һөнәр училищесында тракторчы-машинист һөнәрен үзләштерә. Хәрби хезмәтне Германиядә үтә.

– Армиядән кайткач, “Сельхозтехника” оешмасында кранчы булып эшли башладым. Аннары “Агроснаб” предприятиесендә шушы ук вазыйфаны башкардым. Кранчы һөнәренә һәрвакыт ихтыяҗ булды, бу эш күңелемә ошый, – ди Альберт абый.

Халык телендә “РТС йортлары” дип йөртелүче күпфатирлы йортларны, кайбер биналарны сафка бастыруга да Альберт абыйның өлеше кергән.

Тулырак «Авыл утлары» газетасының 2025 ел өчен 14 март саныннан укыгыз.

Лилия Шәймиева фотосы