Ут кебек әби

Ютубтагы “Мөслим телевидениесе” каналында дөнья күргән сюжетны кыска гына вакыт эчендә 54 меңнән артык кеше карарга өлгерде.

Бу – безнең абсолют рекорд. Интернет кулланучыларны нәрсә җәлеп иткән? Фикерләргә күз салыйк.

– Шундый кыенлыклар кичеп, авыр тормыш көтеп бирешмәгән, шәп, афәрин, әбекәй! Хәзерге яшьләр “теге җире авырта”, “арыйм”, “кыен”, “йокы юк”, диләр. Менә үрнәк алыгыз, бер җирегез дә авыртмас.

– Әбекәй, күз тимәсен, исән-сау бул, озын бәхетле гомер бирсен Ходаем! Амин!

– Точно ут кебек, сөйләшеп утырганда чәчрәп тора, булдыра, дөп-дөрес сөйли 90 яшьтә. Озын гомер телим, үз акылларында булып, 100гә кадәр яшәргә язсын аңа.

– Вәт әби! Яшьләр, үрнәк алыгыз.

– Әбекәй, сокланып карадым сезне! Рәхмәт әйтәсем килә, кочаклыйсы килә. Бигрәк позитив әби. Сөбханаллаһ. Матур көннәр насыйп булсын.

Рубриканы Гөлназ Җәлилова алып бара

Лилия Шәймиева фотосы.