Республикакүләм роботлар ярышы үткәрелгән

 Азнакай шәһәрендә "РобоБитва" исемле роботлар арасында Республикакүләм ярыш үткәрелгән. Бәйгегә Яр Чаллы, Азнакай, Бөгелмә һәм Мөслимнән 35 катнашучы килгән.
"Мөслим данын мәктәптән тыш эшләр үзәгенең "Робототехника" һәм "Техник иҗат" берләшмәләренә йөрүче укучылар якладылар.
"Сумо" номинациясендә Лошкарев Илья - 2 нче, "Канат тарту NXT" номинациясендә Кондратьев Әнвәр - 2 нче, "Канат тарту EV3" номинациясендә Латыпов Ринат 3 нче урынга лаек булды.  Җиңүчеләргә грамоталар һәм бүләкләр бирелде" - дип хәбәр итәләр мәктәптән тыш эшләр үзәгеннән.

Укучыларның педагоглары Аяз Бәдртдинов һәм Лилия Бәдртдиновага Рәхмәт хатлары тапшырылган.

 Фотолар - мәктәптән тыш эшләр үзәгеннән