«Әй, язмышкаем» китабы дөнья күрде

31 майда Иске Карамалы мәдәният йортында шушы авылда гомер иткән Гөлфания Шәнгәрәева иҗатына, аның истәлегенә багышланган “Әй, язмышкаем” китабын тәкъдим итү кичәсе үткән.

Гөлфания апаның күп сандагы шигырьләре 2025 елда бер җыентыкка бастырылып “Әй, язмышкаем” дип аталган китапта урын алган. 

Алсу Шәнгәрәева хәбәр иткәнчә, кичәдә авыл халкы, Шәнгәрәевләр нәселе – балалары, киленнәре, оныклары һәм оныкчыклары катнашкан. 

"Бу чараны үткәрүдә өлеш керткән һәркемгә: хөрмәт итеп килгән һәм катнашкан авыл халкына, кичәне үткәрүдә зур ярдәм күрсәткән, аны эчтәлекле итеп алып барган Иске Карамалы авылы китапханәчесе Гөлназ Шәмсигә, шулай ук барчабызны җыйган, бу кичәне башыннан ахырына кадәр уйлап бетереп оештырган, шигырьләрне җыеп бастырган, әбекәебезгә багышлап искиткеч истәлек китабын эшләгән туганнарыбыз Гөлнур һәм Илфар Шәнгәрәевләргә зур рәхмәтебезне җиткерәбез. Бу чарабыз, анда әйтелгән изге сүзләр яраткан әбекәебезгә дога булып ирешсен иде", - дип хәбәр итә А.Шәнгәрәева.

Автор фотолары.