Мөслим гимназиясе укучылар «Тамчы-шау» да катнаштылар

Мөслим гимназиясе укучылары 2 март көнне Казан шәһәрендә "Тамчы-шоу" интеллектуаль бәйгесендә уңышлы чыгыш ясадылар. Гимназиянең 7 сыйныф укучыларыннан торган "Татулар" һәм 8 сыйныфлардан "Кәттә кешеләр" командалары катнашты. "Татулар" командасы составында Айназ Галимова, Данис Гыйзетдинов, Мәрьям Мадьярова чыгыш ясады, "Кәттә кешеләр"не Булат Бәдертдинов, Наилә Биккинина, Данил Харитонов тәкьдим итте.
Укучылар төрле фәннәрдән белемле һәм тапкыр булуларын күрсәттеләр. "Кәттә кешеләр" "Татулар"дан 3 баллга гына калышты.
Укучыларны "Тамчы шоу" уенына тәрбия эшләре буенча директор урынбасары Гөлнара Ямалова, социаль педагог Миләүшә Әмирова, педагог-китапханәче Гөлшат Солтанова әзерләде, - дип язалар Мөслим гимназиясеннән.

Фото - Мөслим гимназиясеннән