Дус диген инде
Чит кешенең милкен урлауда гаепләнүче 48 яшьлек хатын-кыз суд каршына басачак.
Мөслим районы прокуратурасы 48 яшьлек мөслимлегә карата җинаять эше буенча гаепләүне раслады. Ул РФ Җинаятьләр кодексының 158 маддәсе 2 бүлегендә каралганча, зур зыян китереп, чит кешенең мөлкәтен урлауда гаепләнә.
– Тикшерү версиясе буенча 2023нче елның 8 июнендә 16 сәгать 30 минут тирәсендә эш фигуранты Мөслим районының Яңа Сәфәр авылында урнашкан бер йортка керә. Шул йорттан танышының 12 000 сум акчасын урлый, – ди район прокуроры урынбасары Линар Әскаров.
Тикшерү барышында эш фигуранты гаебен тулысынча таныган һәм тәүбә иткән. Танышына китергән зыянны тулы күләмдә каплаган.
Хәзерге вакытта җинаять эше Мөслим район судында карала.
Фото - "Татар-информ" архивыннан
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев