Тукайлы буынның киләчәге бар
Г. Тукай исемендәге Мөслим урта мәктәбендә шагыйрьнең тууына 140 ел тулуга багышланган тантаналы чара узды. Район мәктәпләрендә укучылар шагыйрьнең әсәрләрен укыды.
Чара җырлы-биюле күренеш белән башланды. “Тукай әкиятләренең геройлары мәктәп коридорларында йөргән кебек булды. Укучыларның һәм укытучыларның уртак көче белән әзерләнгән күргәзмә ачыш булды”, – диде район башлыгы Альберт Хуҗин.
Печән базары күренеше күңелнең иң нечкә кылларын тибрәтте. Базарда тәкъдим ителгән читек, шәльяулыклар, сый-нигъмәт белән бергә асрамага бала сатылуы турында сөрән салу Тукайның балачагына алып кайтты.
– Печән базары матур да, шул ук вакытта шомлы, куркыныч та булган. Урамнар, тар сукмаклар бихисап адәм балаларының ачы язмышына шаһит булган. Сабый чактан ук чит җирләрдә әти-әни назына сусап, кимсенеп яшәгән Тукай, еллар узгач, туган җиренә исән-сау әйләнеп кайта алуына сөенеп, йөзләрчә хәтер-шигырен безнең хөкемгә калдырган. Сайлаган юлыннан тайпылмыйча яшәгән бөек шагыйрьнең әсәрләрен укып үскән буын вәкиле буларак, мин аның иҗатын яратып туя алмыйм, – ди Мөслим гимназиясе китапханәчесе Гөлшат Солтанова.
Лилия Шәймиева фотосы
Тулырак «Авыл утлары» газетасының 2026 ел 28 апрель саныннан укыгыз.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең телеграм каналга кушылыгыз! Телеграм-канал
Нет комментариев