Коррупциягә каршы көрәш көне уңаеннан

Халыкара коррупциягә каршы көрәш көне уңаеннан  район үзәк китапханә хезмәткәрләре Мөслим гимназиясе укучылары өчен  "Балаларга коррупция турында" дигән исем астында профилактик әңгәмә үткәрделәр. Чараның максаты -  үз гамәлләре өчен җаваплылыкны булдыру, дәүләт законнарын үтәү кирәклеген аңлату, шулай ук актив тормыш позициясен формалаштыру иде.  Балалар «коррупция» төшенчәсе белән таныштылар. Сүзнең билгеләмәсен сүзлектән табып укыдылар. Коррупциягә каршы көрәш буенча  җанлы бәхәс алып бардылар. Укучылар көрәш чараларын да тәкъдим иттеләр. Хокук саклау органнарында эшләүчеләрнең явызларча хокук бозучылар белән эшлүнең  никадәр катлаулы булуын аңладылар. Ахырда, чарага йомгак ясап, балалар нәрсәгәдер каршы көрәштә һәрвакыт үзеңнән башларга кирәк, дигән фикер әйттеләр, - дип хәбәр итәләр үзәк китапханәдән.

Фото - үзәк китапханәдән