Бу көнне Мөслимдә

4 май. Сугару юлы белән. 

Киров исемендәге колхозда Гайнелхәмәт Шәмсетдинов җитәкчелегендә азык культураларын игү звеносы төзелде. Ул ундүрт кешедән тора. Звено карамагында насос станциясе һәм сугару техникасы бар. Хәзер 110 гектар мәйданлы күпьеллык үлән басуын сугару бара. Шуның 57 гектарына ясалма яңгыр яудырылды инде. Моңа кадәр ул самолет ярдәмендә мочевина белән тукландырылды. Сугару вакытында участок тагын ашлама ала. Болардан тыш звено үлән чәчү белән дә шөгыльләнә. Шул максаттан чыгып, өч чәчкечтән торган агрегат көйләнде.

Д. Хафизов.

Фото – «Мөслим-информ»