Бу көнне

 20 апрель, 1978 ел

Җиңүче – звено җитәкчесе

Калинин исемендәге колхоз басуларына туфрак эшкәртү звенолары эшкә чыкты. Ольгино бригадасындагы Анатолий Симонов җитәкчелегендәге коллектив аеруча җитештерүчән эшли. Звено башлыгы үзе беренче көнне – 40, икенче көнне 45 гектарда тырмалау үткәрде. Колхоз үзәгендәге Хезмәт даны флагы ике көн рәттән А. Симонов хөрмәтенә күтәрелде. Һава шартларының уңайсызлануына карамастан, механизаторлар темпны арттыра баралар. Инде 456 гектарда туңга сөрелгән җирләр, 200 гектарда уҗым, 235 гектарда күпьеллык үлән чәчүлекләре тырмаланды.

М. Әхмәтов.

Фото - Мөслим-информ архивыннан