Бу көнне

1989 ел, 11 апрель

Вакыт кадерен белеп

“Алга” колхозы механизаторлары быел язгы кыр эшләренә аеруча җентекләп әзерләнделәр. Авыл хуҗалыгы тагылма кораллары инде күптән әзерлек сызыгында. Тракторларга техник карау үткәрелде. Хәзерге вакытта аренда подряды звенолары орлык төягечләр урнаштыру, аларны көйләү белән мәшгуль. Моннан 4-5 көн элек һәр бригададан махсус звенолар ашлама иләүгә керештеләр. Үзәкләштерелгән складта чистартылган, вакланган ашлама өемнәре артканнан-арта бара. Ф. Сәлахова җитәкчелегендәге Елгабаш авылыннан 6 кешелек звено һәр көнне 7-8 тонна ашламаны иләк аркылы үткәрә.

Д.Ишматов,  партком секретаре.