Түбән Табын интернат-мәктәбендә чыршы бәйрәме үтте

Бу көнне интернат-мәктәптә тәрбияләнүчеләр өчен кызыклы яңа ел тамашасы куелды. Бәйрәмгә Кыш бабай һәм Кар кызы белән бергә төрле әкият геройлары да килде. Балалар үзләре дә концерт номерлары тәкъдим итте, конкурсларда катнашты. Район башлыгы Альберт Хуҗин балаларга изге теләкләрен җиткерде.

Бәйрәмнән соң балаларга баллы күчтәнәчләр тапшырылды. Интернат-мәктәп директоры Гөлназ Сәйфуллина Әлмәт шәһәре хәйриячеләренә нәтиҗәле хезмәттәшлек өчен рәхмәтләрен җиткерде. Мәктәп тормышында актив укучы Наил Исламовка “Татнефть” җәмгыяте рәисе Андрей Геннадьевич смарт-сәгать, колакчыннар тапшырды.

Бу көнне һәр бала интернат-мәктәп, ”Мәлләнефть һәм”Татнефть” җәмгыятьләреннән Яңа ел пакетлары алды.

Әлмәт политехник техникумы укучылары блалар өчен төрле мастер-класслар оештырды. Аларда укучылар гипстан ясалган төрле фигураларны буяды, имбирьле печеньеларны үз фантазияләрен эшкә җигеп бизәде, кул эшләнмәләре ясады.

Лилия Шәймиева фотолары