Мин авылны яратам!

Алсу Хәйртдинова – Мөслим кызы. Мөслим урта мәктәбен тәмамлагач, укуын Казан юридик институтында дәвам итә. “Уголовное право” факультетын тәмамлап, 2020 елда район эчке эшләр бүлегенә эшкә кайта.

– Балачактан ук кешеләр белән аралашырга, проблемалы ситуацияләрне чишү юлларын эзләргә, авырлыклар алдында калучыларга ярдәм итәргә ярата идем. Мәктәптә тарих, җәмгыять белеме фәннәрен яратып укыдым. Логик фикерләргә ярату алдагы тормышымда дөрес һөнәр сайларга ярдәм итте, – ди Алсу.

Алсу җинаятьләрне эзләү бүлегендә оперуполномоченный булып эшли. Вакыйга булган урынга чыгып, тикшерү эшләре үткәрү, шикле кешеләрне, гаеплеләрне ачыклау, шаһитлар белән сөйләшү – әлеге эшләрне яратып һәм җентекләп башкара райондашыбыз.

Лилия Шәймиева фотосы.

Тулырак «Авыл утлары» газетасының  2025 ел өчен 31 октябрь саныннан укыгыз.