3 октябрьгә һава торышы һәм ай календаре

Иртәгә алмашынучан-болытлы, явым-төшемнәрсез һава торышы була. Төньяктан, төньяк-көнбатыштан 4-9 метр тизлектә көчле җил. Төнлә һава температурасы 0..+5˚, көньяк һәм көнчыгыш районнарда урыны белән 0..-3˚ градус салкын, көндез +9..+14˚ градус.

Үсүче ай, ай Сукояр йолдызлыгында.

Җиләк куакларының авыру ботакларын кисәргә, кәүсәләрен агартырга була. Агач, куак төпләренә һәм түтәлләргә компост, янган тирес чәчәргә кирәк. Гладиолус һәм георгиннарны казып алырга кирәк.

Фото: Гөлназ Җәлилова