Мәктәпләрдә психология атналыгы бара

Мөслим районы мәгариф учреждениеләрендә психология атналыгы бара.  Атна кысаларында Мөслим гимназиясе педагог-психологы Айсылу Кашапова 2а сыйныфта "Дуслык"темасына тренинг үткәрде. Тренинг ышанычлы мөнәсәбәтләр урнаштыруга юнәлдерелгән. Нәтиҗәдә, катнашучылар дуслашырга ярдәм итүче сыйфатларны барладылар, бер-берсенә игътибарлы булырга өйрәнделәр. Барысы да актив, бердәм һәм рәхәтләнеп эшләделәр.  Г.Тукай исемендәге Мөслим урта гомуми белем бирү мәктәбендә "Яшерен дус"акциясе уздырды. Укучылар теләсә кайсы укучыга яки укытучыга яхшы сүзләр, теләкләр белән хат яки открытка җибәрделәр. "Почтальоннар" хатларны тәнәфес вакытында тараттылар.

Фотолар – мәгариф идарәсеннән