Конкурс башланды

- Татарстанның ике дәүләт теле - татар һәм рус телләрен өйрәтүдә югары күрсәткечләргә ирешүче балалар бакчаларын ачыклау максатыннан республикада "Иң яхшы билингваль балалар бакчасы" гранты конкурсы башланып китте. Бу конкурста Мөслим районының “Ләйсән” балалар бакчасы катнашып, 1 сайлап алу турын уңышлы узган иде. 3 апрель көнне алар үзләрендә  Республиканың мәгариф үсеше институты вәкилләре булган конкурс комиссиясе әгъзаларын кабул иттеләр. Балаларыбыз кунакларны  бакчада эшләп килүче проектлар белән таныштырдылар, ике телне дә камил белүләрен күрсәттеләр. Комиссия әгъзалары  педагогларның эшен игътибар белән өйрәнделәр, эшчәнлекләрен карадылар. “Ләйсән” балалар бакчасына бу зур эшләрендә уңышлар теләп калабыз, - дип язалар мәгариф идарәсеннән.

Фото - мәгариф идарәсеннән