Юл билгеләрен өйрәндек

“Юл тамгалары, СИМ һәм мин – шат күңелле дуслар” дип исемләнгән чарада балалар төрле юнәлештә белем-күнекмәләрен сынады. Юл тамгаларын, җәяүлеләр һәм велосипедта йөрүчеләр өчен кагыйдәләр, велосипедта йөрү тәртибе, беренче медицина ярдәме күрсәтү буенча белемнәрен күрсәтте. Укучылар ике командага бүленеп эшләде, бердәм, дус, җаваплы булуларын күрсәттеләр. Әлеге чарада әти-әниләрнең балаларны юлда йөрү культурасына өйрәтүдә үрнәк булуына басым ясалды. Махсус кунак – юл хәрәкәте иминлеге буенча дәүләт учреждениесенең бүлек җитәкчесе Алсу Ситдикова бүләкләре белән балаларны сөендерде. Укучыларга бәйге бик ошады.

Сирина Фәсхиева, Олы Чакмак мәктәбенең физкультура укытучысы.

Фото –  С.Фәсхиеваның шәхси архивыннан