«Тукай бизәкләре» бию ансамбле җиңү яулады

Г. Тукай исемендәге Мөслим урта мәктәбенең "Тукай бизәкләре" бию ансамбле "Без бергә" Республикакүләм балалар халык иҗаты фестиваль-бәйгесенең республика этабында җиңү яулады.

Мәктәп директоры Гөлшат Галиева хәбәр итүенчә, республикада ике ансамбль генә 1 урынга лаек булган. "Аларның берсе - "Тукай бизәкләре'. Бу - безнең өчен зур горурлык", - ди ул.

Ансамбльнең җитәкчеләре – Ольга Нуруллина, Булат Солтанов.

Фотолар - Г. Тукай исемендәге Мөслим урта мәктәбеннән.