Өч тиенлек чәчәк өчен меңәр сум штраф

–  Түтәлләрдән чәчкә-гөлләрне йолкучылар, хәтта урлаучылар да бар. Чәчәк орлыклары, үсентеләре кибетләрдә сатыла бит югыйсә! Кеше хезмәтен һәм берберебезне хөрмәт итәргә кирәк! Матурлык, чисталык үзебез өчен кирәк һәм бары үзебездән тора, – ди төзекләндерү һәм яшелләндерү предприятиесенең участок җитәкчесе Рүзилә Бәйрханова.

Мөслим – уч төбендәге кебек: күп җирдә видеокамералар куелган. Тәртип бозучылар да күзәтү камералары аша ачыклана һәм җәзага тартыла. Өч тиенлек чәчәк өчен меңәр сум штраф түләү һәм “карак” исемен күтәрү – гарьлек!

Гөлназ Җәлилова фотосы