“Җылылык” операциясе башланды

Аның кысаларында оешма-предприятиеләрдәге җылылык системалары, котельныйларның янгын куркынычсызлыгы таләпләренә әзер булуы тикшерелә. “Ел саен җылылык чоры башлану белән торак секторда янгыннар саны арта. Төп сәбәбе – электр җиһазларын һәм мичне җылыту приборларын кулланганда янгын куркынычсызлыгы кагыйдәләрен бозу. Оешма-предприятиеләр генә түгел, шәхси йорт хуҗалары да куркынычсызлык кагыйдәләре турында онытмасыннар иде”, – ди Мөслим һәм Сарман районнары буенча янгын күзәтчелеге бүлеге инспекторы Ренат Идиятуллин.

 Фото-Pixabay.com