“Тонировка” операциясе бара

Республика буенча 6-12 июль көннәрендә “Тонировка” операциясе бара. Аның барышында районнның ДАИ инспекторлары машиналарының алдагы тәрәзәләрен караңгылатып йөрүче машина хуҗаларын ачыклаячак. “Кагыйдәне бозган өчен 500 сум штраф каралган. Кабаттан эләккәндә штраф күләме икеләтә арта яисә шоферга 10 тәүлеккә кадәр арест яный. Моңа өстәп, шофер туктатылган урында ук тонировканы салдырып алырга тиеш. Тәрәзәләрне тонировкалау юлларда күз күремен начарайта, ә бу куркыныч хәлләргә китерергә мөмкин”, – дип хәбәр итә ДАИның өлкән инспекторы Феликс Мәгъданов. Операция барышында кагыйдәне бозган ике райондашыбыз тоткарланган.