Юбилярны котлыйбыз

Гөлчирә апа Казан ягы кызы. Тормыш аны Мөслим якларына алып килә. Монда ул тормыш иптәше Әхмәт белән таныша. Гомер буе Себер ягында хезмәт куя. Архангельск өлкәсендә Северодвинск шәһәрендә башкарма комитетта инженер булып эшли. Эш стажы 45 ел. Бик хөрмәтле кеше була ул. Үзе салдырган йорт, объектлары белән бүгенгәчә горурланып яши.
Тормыш иптәше хәрби кеше булган, кыз һәм ул тәрбияләп үстерәләр. Кызлары Санкт-Петербург, уллары Таганрокта яши. Әниләрен бәйрәме белән котларга Мөслимгә кайтканнар. Юбилярыбыз онык-оныкчыкларга бай.

Гөлчирә апаны район башлыгы урынбасары Азат Әхмәтҗанов тәбрик итте һәм район башлыгының Котлау хатын, истәлек бүләген тапшырды.
Юбилярны гомер бәйрәме белән котлыйбыз, исәнлек-саулык телибез!

Фото - администрациянең матбугат хезмәте архивыннан