Алдагы көннәрдә Татарстанда җылы һава торышы урнашачак

Якындагы атна Татарстанда бик җылы булачак. Бу хакта «Метео» фаразлау үзәге җитәкчесе Александр Шувалов хәбәр итте.

Синоптик сүзләренчә, циклоннар күбесенчә Европа территориясенең төньяк-көнбатышында һәм төньягында, ә уртача полоса, Татарстанны да кертеп, көньяк-көнбатыш һәм көньяк агымнар йогынтысында кала торган вәзгыять сакланачак.

«Бу яңгырлар булмаячак дигәнне аңлатмый. Яңгырлар булыр. Алар бик озак дәвам итмәячәк, бик көчле дә булмаячак. Температура 15-19 градус тирәсе булачак», – дип билгеләде Шувалов.

ТР Гидрометүзәге мәгълүматлары буенча, 18 сентябрьдә республикада алмашынучан болытлы һава көтелә. Төнлә температура +2..+7 градус булачак, ә көндез, үзәк мәгълүматларына караганда, кайбер районнарда +17...+22 градуска кадәр күтәрелергә мөмкин. 19 сентябрьдә шулай ук сизелерлек явым-төшемсез алмашынучан болытлы һава көтелә. Төнлә +3...8 градус, көндез +18...23 градуска кадәр җылыта.