Җиләкле җәй

Ниһаять, быел да җиләк җыяр вакыт җитте. Тау итәкләрендә, болынлыкларда, ачык кырларда тәгәрәшеп җиләкләр өлгерә. Ел яңгырлы булу сәбәпле үлән мулдан үсте. Куе үлән арасында үскәннәре эрерәк һәм сусылрак булсалар да, эле өлгереп җитмәгәннәр.  Хәер, ачыклыкта үскәннәрен дә вак дип әйтеп булмый, җаның теләгәнен сайлап җыярга була. Чиләк тутырып алып кайткан табигать хәзинәсеннән кайнатмасын да, компотын да, кагын да ясарга була, пирог өчен эчлек итеп файдаланырга, ә ваграк дигәннәрен киптереп, кышка әзерләп куярга мөмкин.  

Фото - "Мөслим-информ" архивыннан