“Ак халатлы фәрештәләр” фестивале узды

Һөнәри юнәлеш бирү максатында район хастаханәсендә “Ак халатлы фәрештәләр” фестивале узды. Чарада район мәктәпләренең 9 һәм 11 сыйныф укучылары катнашты. Баш табиб Дамир Сөләйманов һәм Казан дәүләт медицина университетының 5 курс студенты Айгөл Фәхертдинова укучыларны яңа җиһазлар, компьютер томографиясе кабинеты белән таныштырды. Лаборатория һәм терапия бүлеге эшчәнлеге дә укучыларда зур кызыксыну уятты. Укучылар арасында табиб һөнәрен сайларга теләк белдерүчеләр шактый булып чыкты.

Ләйсән Фәхертдинованың шәхси архивыннан