Балалар театр уйный (фоторепортаж)
Ел саен үзешчән балалар театрлары коллективлары арасында бәйге оештырыла. Узган ел азагында игълан ителгән “Театр – балаларга” бәйгесендә егермедән артык авыл клубы һәм мәдәният йорты катнашкан.
4-5 гыйнвар көннәрендә З.Басыйрова исемендәге район мәдәният йортында жюри тарафыннан иң яхшы дип табылган җиде коллектив чыгыш ясады. Алар нәни тамашачыларга төрледән-төрле әкият-тамашалар тәкъдим итте.
– Бәйгедә катнашучы балаларның сәләте елдан-ел үсә. Балаларның сәхнәне яратулары, рольләрен оста итеп башкарулары сөендерә, – ди район мәдәният йортының сәнгать җитәкчесе Эльвира Гәрәева.
Балаларның чыгышларын карарга әти-әниләр дә килгән иде.
– Балалар театрлары бәйгесендә ел саен катнашабыз. Быел “Су әбисе нигә елый?” спектакле белән “Тәрбияви-тематик” номинациясендә җиңү яуладык. Экология проблемасын күтәреп, балаларда табигатькә сакчыл караш тәрбияләргә тырыштык, – дип фикерләре белән бүлеште Айгөл.
Наилә Сәлахова
Наилә Сәлахова фотолары.
Тулырак “Авыл утлары” газетасының 2024 ел 12 гыйнвар санында укыгыз
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев