ЮИД командалары ярышты

Башлангыч мәктәп укучыларында юл хәрәкәте кагыйдәләрен өйрәнү, юлда куркынычсыз тәртипне пропагандалау, балалар юл - транспорт травматизмын профилактикалау, юл хәрәкәтендә дисциплиналы, законга буйсынучы катнашучыларны тәрбияләүдә белем бирү оешмаларының ролен арттыру максатыннан  Мөслим гимназиясе базасында башлангыч сыйныф укучылары арасында "Кызыл, сары, яшел" дип аталган яшь юл хәрәкәте инспекторлары хәрәкәтенең 50 еллыгына багышланган район агитбригадалары конкурсы узды. Быел конкурс "Юл билгеләре - ышанычлы дуслар" исеме астында узды. Әлеге чарада район мәктәпләреннән 12 команда чыгыш ясады.

Конкурс нәтиҗәләре буенча түбәндәге командалар җиңү яулады:
1 урын - Мөслим лицее командасы, җитәкчесе Әлфия Каржавкина,
2 урын - Кубәк урта мәктәбе командасы, җитәкчеләре  Гөлнара Вәлиева, Ландыш Йосыпова,
3 урын - Мөслим гимназиясе командасы,җитәкчесе Гөлчәчәк Исмәгыйлева.
 Фото - мәгариф идарәсе архивыннан