Янгыннардан сак булыйк!

22 май көнне 00:31 сәгатьтә Сал. Муханда хуҗасыз йортта янгын чыга. Сәбәбе – билгесез затларның ут белән саксыз эш итүе. Мөслим  һәм Сарман районнары буенча янгын күзәтчелеге бүлеге инспекторы Вильям Тайбактин хәбәр итүенчә, әлеге йортта моңа кадәр дә ике мәртәбә янгын чыккан булган. Берсе – өй хуҗасы исән чакта, икенчесе хуҗа вафат булгач. Моңарчы янгын сүндерүчеләр йортны саклап кала алган булсалар да, өченче мәртәбә янгын телләре тулысынча агач йортны яндырып бетергән. Ел башыннан бу җирлегебездә теркәлгән 22 нче янгын. Бүгенге көндә тикшерү эше бара.

Вильям Тайбактин фотолары