Акциядә катнаштылар

Өлкәннәр ункөнлеге кысаларында бүген “Мөслим йөрәге” скверында акция оештырылды. “Томышка ун мең адым” дип аталучы сәламәтлек чарасында катнашучыларны ветераннар Советы рәисе Илгиз Низамов, пенсионерлар советы председателе Рөстәм Шәрипов котлады. Башкарма комитет җитәкчесенең социаль мәсьәләләр буенча урынбасары Марина Бәдретдинова өлкәннәр өчен махсус оештырылган чараларда катнашырга, төрле оешмаларда бушка яки ташламалы шартларда хезмәт күрсәтү мөмкинлекләреннән файдаланырга чакырды. Акция кысаларында өлкәннәребез скандинавия йөреше белән Пушкин урамы буйлап “Кояшлы Ык” ял паркына юл тоттылар. Үзләре теләгән кадәр саф һавада булып, бер-берсе белән аралашып, сөйләшеп, киләчәккә планнар корып вакытларын файдалы һәм күңелле уздырып кайттылар.

Динар Нуретдинов фотосы