Организмны витаминнарга баетырга онытмагыз

Озын кыштан соң организм хәлсезләнә. “Яз көне организмны витаминнарга баетырга онытмагыз, – ди район хастаханәсенең ашыгыч ярдәм бүлеге фельдшеры Гөлфирә Сабирова. – Җимеш соклары эчәргә мөмкин. Алма согы бик файдалы: ул тимергә бай, ә калориясе әз. Алма анемиядән, шул исәптән йөклелек анемиясеннән бик файдалы. Алма согы бөерләрдән ташларны чыгарырга ярдәм итә, организмны токсиннар һәм шлаклардан чистарта. Алма согы бронхит һәм башка сулыш юлы авыруларыннан интегүчеләргә файдалы. Көн саен алма согы эчү үпкә эшчәнлеген яхшырта". Файдалы дип, кибеткә йөгергәнче, сокны үзегез ясагыз. 

Лилия Шәймиева

Наилә Сәлахова фотосы