Дөньяда иң озын егетләр кайда яши?

Голландия ир-атлары һәм Латвия хатын-кызлары планетада иң озыннары дип танылган. Голландиядә ир-атларның уртача буе 182,5 см, Латвия хатыннарының уртача буе 168 см га җитә.

Тикшеренү нәтиҗәләре буенча, 1914 елдан бирле 187 илдә кешеләрнең буе кисәк кенә озынаеп китә. Аеруча Иран ир-атларының буе уртача 16 см га арткан, Көньяк Корея хатыннары исә 100 ел элеккегә караганда 20 см га арткан.

Озын буйлы ир-атлар шулай ук Бельгиядә, Эстониядә, Латвиядә, Даниядә, озын хатын-кызлар Нидерландыда, Эстониядә, Чехиядә  яши. 

Дөньяда иң тәбәнәк ир-атлар Көнчыгыш Тиморда яши, аларның буе 160 см дан артмый. Иң кыска буйлы хатыннар исә Гватемалада, аларның буе 150 см. Ләкин соңгы 100 елда алар бераз үскән, 1914 елда 140 см гына булганнар.

Дөньяда ир-атларның буе хатын-кызларның буеннан уртача 12 см га озынрак.

Иң озын кешеләр Африка континентында яши, дип саналса да, галимнәр анализы буенча, Африка һәм Якын Көнчыгыш кешеләре 30-40 ел элек күпкә озынрак булган.

Профессор Маджид Эззати (Prof Majid Ezzati) фикеренчә, кешенең буе генетикага бәйле, ләкин әйләнә-тирәлек тә йогынты ясый. Моннан тыш, һәр илдә санитария шартларына да, туклануга да, сәламәтлек саклауга да бәйле.

Галимнәр сүзләренчә, озын буйлы кешеләрдә йөрәк авырулары куркынычы азрак, ләкин аларда яман шеш күбрәк очрый, диелә хәбәрдә.

Бу хакта тулырак: https://intertat.tatar/news/donyada-in-ozyn-eget-5859088

Фото - "Татапр-информ" архивыннан