Бу көнне Мөслимдә!

1989 ел 5 август

Темп кимеми “Яшел урак” бездә тулы куәтендә. Колхоз хезмәтчәннәре җәмәгать терлекләре өчен мөмкин кадәр күбрәк азык хәстәрләргә тырышалар. АВМ агрегаты иртә таңнан кичке караңгыга кадәр эшли. Өлкән оператор М. Низамов һәм оператор М. Вәлиев берөзлексез агрегатка килгән яшел массаны чыгарып торалар. Көн саен 4-5 тонна яхшы сыйфатлы азык хәзерләнә. Басуда үләнне тракторчы Х. Хаҗиев чаба. АВМга яшел массаны шофер А. Гәрәев ташый. Барлыгы 322 тонна витаминлы үлән оны хәзерләнде.

Ф. Исламов, Куйбышев исемендәге колхозның баш бухгалтеры.

Фото – Мөслим-информ архивыннан