“Туасы таңнарга өметебез зур!”

Артур Асылгәрәев өлешчә мобилизация шартларында 2022 елның октябрендә махсус хәрби операциягә алынган иде. Артур икенче тапкыр ялга кайтты.

– Артур белән без – бер алманың ике яртысы кебек. Янымда булмагач, кайвакыт һава җитмәгән кебек тоела. Балалар да әтиләренең яныбызда булмавын бик авыр кичерәләр, – ди тормыш иптәше Лилия.

– Туган якта, якыннар янында көннәр бик тиз үтә. Беренче мәртәбә ялга кайтуым июль аена – кызым Каролинаның туган көненә туры килгәч, бик сөендем. Балалардан аерылу әти-әни белән аерылудан да авыррак икән. Сабыйларның күзләрендә – мөлдерәмә яшь. “Әти, тагын ташлап китәсеңмени?!” – диләр кебек. Аңламый шул әле алар. Безгә балаларыбызның якты киләчәге, илебез иминлеге өчен китәргә һәм җиңү белән әйләнеп кайтырга кирәк! – ди Артур.

Артур – Мари Бүләр авылы егете. Мәктәпне тәмамлагач, юрист белгечлеген алган. Хәрби хезмәтне эчке гаскәрләрдә үткән. Махсус хәрби операциягә алынганчы Артурның шәхси кибете бар иде. 

Тулырак "Авыл утлары" газетасының 2024 ел, 9 февраль санында укыгыз.

Фото – Артур Асылгәрәевның шәхси архивыннан.