Интерактив уенда белемнәрен исбат иттеләр
Мөслим урта мәктәбе укучылары «Кая логика» интерактив уенында катнаштылар.
Г.Тукай исемендәге Мөслим урта мәктәбенең 5 б сыйныф укучылары өчен балалар үзәк китапханәсе хезмәткәрләре 1941-1945 еллардагы Бөек Ватан сугышында Җиңүнең 79 еллыгы уңаеннан «Кая логика» интерактив уенын үткәрделәр. Уен барышында ике команда сугыш темасын ачарга тырыштылар. Балалар Бөек Ватан сугышы тарихы буенча белемнәрен, эрудицияләрен һәм тапкырлыкларын күрсәттеләр. Уен «Сугыш юллары аша үтик» китап күргәзмәсе белән танышу белән тәмамланды. Ул үткәнне һәм киләчәкне берләштерүче җепне өзмәскә ярдәм итә, – дип язалар балалар китапханәсеннән.
Фото – балалар китапханәсеннән
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев