Тыл ветераннарын хөрмәтләү тантанасы узды

Мөслим картлар һәм инвалидлар интернат-йортында Бөек Ватан сугышы ветераннарын хөрмәтләү тантанасы узды.
6 май көнне Мөслим картлар һәм инвалидлар интернат-йортында Бөек Ватан сугышы ветераннарын хөрмәтләү тантанасы узды. Социаль хезмәтләрдән файдаланучы Мөслимә Кыяметдинова РФ Президенты В.В. Путин, ТР Рәисе Миңнеханов Р. Н. һәм Мөслим муниципаль районы башлыгы Хуҗин А.Р. исеменнән котлау открыткаларын һәм күчтәнәчләр кабул итте. Ветеранны башкарма комитет җитәкчесенең социаль мәсьәләләр буенча урынбасары Марина Бәдретдинова, Мөслим районы буенча социаль яклау бүлеге җитәкчесе Гөлнар Фәтхуллина котлады. Интернат-йортта яшәүче өлкән яшьтәгеләр дә Мөслимә апага  изге теләкләрен җиткерделәр, – дип язалар картлар һәм инвалидлар интернат-йортыннан.

Фотолар – картлар һәм инвалидлар интернат-йортыннан