Мул уңыш алыйм дисәң

Авыл хуҗалыгында бу таләп бигрәк тә мөһим. Орлык кына түгел, җир эшкәртү, үсентеләрне тәрбияләү, гомумән, агротехник таләпләрне төгәл үтәү – барысы да яхшы уңыш алуның нигезе булып тора. 

Тиешле таләпләргә җавап бирүче чәчүлек орлык әзерләү – үсемлекчелек белән шөгыльләнүчеләр өчен төп таләпләрнең берседер. Районыбыз аграрийлары быел бары тик ГОСТ таләпләренә җавап бирүче орлык әзерләгән. Бу хакта “Россельхозцентр” федераль дәүләт бюджет учреждениесенең Мөслим бүлеге җитәкчесе Мизхәт Нәбиев:

– Районда быел 111 мең центнер чәчүлек орлык әзерләнде һәм чәчелде. ГОСТ таләпләренә җавап бирүче орлык белән эшләүче хуҗалыклар һәр гектардан 3-4 центнер өстәмә уңышка исәп тота ала. Уңыш язмышы районлаштырылган һәм перспектив сортлар белән эшләүгә дә бәйле, – диде. 
Районыбыз аграрийлары соңгы елларда яңа сортлар табуга һәм аларны кулланылышка кертүгә аерым игътибар бирә. Мәсәлән, район хуҗалыкларында быел язгы бодайның – “Тулайковская-Надежда”, “Экстра”, “Радмира”, “Бурлак”, көзге бодайның – “Туранус”, “Скипетр”, “Марафон”, “Московская-56”, арышның – “Зилант”, арпаның – “Поволжский-22”, “Орлан”, “Эндан”, “Памяти Чепелева”, борчакның “Кулон”, “Ульяновец” сортлары үстерелде. 

Фәридә Гайнетдинова

Римма Афзалова фотосы

Тулырак "Авыл утлары" газетасының 2023 ел 3 ноябрь санында укыгыз.