Тыл ветераннары хөрмәтләнде

Матур традиция буенча Җиңү көне алдыннан Бөек Ватан сугышы ветераннары һәм тыл хезмәтчәннәре бәйрәм бүләкләре белән хөрмәтләнә. 

Татарстан Республикасы Рәисе Рөстәм Миңнеханов, район башлыгы Альберт Хуҗин, исеменнән "Август-агро" җәмгыяте 120 райондашыбызга котлау открыткалары һәм азык-төлек пакетлары тапшырылды.

Кызганыч, районыбызда Бөек Ватан сугышы ветераннары калмады. Тыл хезмәтчәннәре дә ел саен кими бара.

Аларның батырлыгы алдында баш иябез. Исәнлек-саулык, озын гомер телибез!

Фото – район хакимиятенең матбугат хезмәтеннән