Помидор тозлау

Стерильләштерелгән 3 литрлы банканың төбенә 5-6 кишер яфрагы салып калдырабыз. Уртача зурлыктагы помидорларны юып тутырабыз. “Челнок” сортлы каты помидор булса, бигрәк тә яхшы. Өстенә кайнап торган су агызып, 15-20 минутка калдырабыз. Суны бушатып, 1 аш калагы тоз, 5 аш калагы песок салып, кабат кайнатабыз һәм помидорлар өстенә салабыз. Соңыннан 1 аш калагы уксус эссенциясе өстәп, тимер капкач белән каплыйбыз. Банканың астын өскә әйләндереп, җәймә каплап, суытырга куябыз. Әзер банкаларны салкынча урында саклыйбыз.