Крыжовниктан – соус

Крыжовниктан 1 литр әзер пюрега 200-300 грамм шикәр комы, 20-40 грамм тоз, 3-5 тырнак сарымсак, кипкән яисә яңа гына өзеп алынган яшел тәмләткечләр (кинза, базилик, укроп, петрушка), төелгән кориандр орлыклары, кызыл һәм кара борыч кирәк.

Җиләкне (өлгереп җитмәгәне дә, артык өлгергәне дә ярый) юып, “койрыклары” һәм яфракларыннан чистартабыз, өстенә кайнап торган су коеп, талгын утта 1-1,5 сәгать кайнатабыз. Суытып, сыеклыгын агызып алабыз да җиләкне иләк аша изәбез. Килеп чыккан пюрены кәстрүлгә тутырып, кайнап чыкканчы талгын утта тотабыз, шикәр комы, тоз салабыз. Шикәр белән тоз эрегәч, ваклап туралган тәмлеткечләр, сарымсак (изеп), кориандр, борыч өстибез. Болгата-болгата, талгын утта тагын берничә минут кайнатып алабыз. Соусны стерильләнгән банкаларга тутырып, капкач белән борып ябабыз.

Фото-Pixabay.com