«Мин милләтемнең киләчәге һәм горурлыгы» исемле бәйге узды

- Мөслим гимназиясендә "Милли мәдәниятләр һәм гореф-гадәтләр елы" кысаларында "Мин милләтемнең киләчәге һәм горурлыгы" дип исемләнгән бәйге узды. Бәйгедә балалар бакчасыннан 7, мәктәпләрдән 13 укучы 4  төрле ярышта  көч сынашты. Һәрберсе үз милләтенең телен, гореф-гадәтләренең үзенчәлеген чагылдырган төрле номерлар күрсәтте. Чыннан да, мондый бәйгеләрдә катнашып, бала үзендә горурлык хисе тоя, милләтенә, халкына хөрмәте арта. Һәр балага төрле номинацияләрдә грамота, дипломнар һәм матур бүләкләр тапшырылды.
Чарада катнашучыларга, чараны оештыручыларга, спонсорларга зур рәхмәт. Алда уңышлар телибез, - дип язалар мәгариф идарәсеннән.

Фото - мәгариф идарәсе архивыннан